Sagarra erdigunean jarri eta bere esentzia sagar ardoetan transmititu nahi ditugu. Gure arbasoen jakintza ikasi, zenbait uste desikasi eta etorkizuna interpretatzea da RBLD sagardo upategiaren izaera. Sagar bakoitzaren nortasuna ezagutu, bere denborak errespetatu, eta nahasketa onena pentsatuz, botila batean jaso eta zure tertulien parte izateko nahia da gurea.
Sagarrak eskuz biltzen ditugu, 10 kiloko kaxetan, barietatetan banatuta. Bere momentu onenaren zain… sagar barietate bakoitzak bere denbora eta izaera dituelako.
